11 Yanvar 12:22
215

Güney Azərbaycanlı fəallar Ulduz (Mədinə) Qasimi, Cavad Əhmədi Yekanlı və Əmir Səttari Sulduz şəhər məhkəməsinə çağırılıb.

Teleqraf.com xəbər verir ki, yanvarın 16-da məhkəmə fəallara qarşi irəli sürülən ittihamlara baxacaq.

Məlumata görə, azərbaycanlı fəallar İran hakimiyyəti əleyhinə təbliğat aparmaq və icazəsiz aksiyalar təşkil etməkdə ittiham olunur.

Qeyd edək ki, 2018-ci il mayın 25-də Sulduzda 2006-ci il etirazlarında həlak olanların məzarları qarşısında anım mərasimi təşkil olunub.

İran təhlükəsizlik orqanlarının hücumuna məruz qalan mərasimdə bir neçə azərbaycanlı fəal qanunsuz olaraq saxlanılıb.


Müəllif: Mənsur Rəğbətoğlu