Əfqanıstanın Loqar əyalətinin qubernatoru Ənvər İşakzayın karvanına hücum olunub.
Teleqraf.com-un məlumatına görə, bu barədə polis rəsmisi Şapur Əhmədzay bildirib.
Onun sözlərinə görə, partlayıcı maddələrlə doldurulmuş avtomobil Kabildən Loqara gedən qubernatorun karvanına tərəf sürülüb və partladılıb. Baş verən partlayış nəticəsind əazı 8 nəfər həlak olub. Qubernatorun özü partlayışdan sağ çıxa bilib.
Bildirilir ki, hücuma görə cavabdehliyi "Taliban" radikal qruplaşması öz üzərinə götürüb.