Türkiyəli generallar sərhəddə: “Onlara xilas yoxdur…”

Türkiyə Müdafiə naziri Hulusi Akar İraqla sərhədə gəlib.

Teleqraf.com xəbər verir ki, nazir quru qoşunların komandanı Ümit Dündarla görüşərək Türkiyə-İraq sərhədləri və bölgədəki son vəziyyət müzakirə edib.

Görüşdə önəmli mesajlar verən Akar Türkiyə Silahlı Qüvvələrinin bölgədə terrorizmə qarşı mübarizəni davam etdirəcəyini açıqlayıb:

“Terrorçuların və qəyyumlarının xilas yolu yoxdur. Onlarla mübarizəmizi sonunadək davam etdirəcəyik. Dayanmayacağıq”.

Nazir terrorizmlə mübarizədə həm siyasi fəaliyyətlərin, həm də hərbi əməliyyatların davam etdiriləcəyinə də diqqət çəkib.