Koalisiya Suriyanı bombaladı: yaralılar var

ABŞ-ın başçılıq etdiyi beynəlxalq koalisiya Suriya ordusunun mövqeyinə zərbə endirib.

Hərbi mənbənin agentliyə verdiyi məlumata görə, hadisə əs-Sukkariya şəhərində, əbu-Kamal şəhərindən qərbdə baş verib. Zərbə nəticəsində artilleriya mövqeyi məhv edilib və iki hərbçi yaralanıb.

Daha əvvəl ABŞ-ın rəhbərlik etdiyi koalisiya qüvvələrinin Suriyanın Deyr əz-Zor əyalətinin Hacin şəhərinə endirdiyi hava zərbələri nəticəsində azı 20 dinc sakin həyatını itirib.