Narkobaron Bin Ladenin kürəkəni ilə...

El Çapo ləqəbli məşhur meksikalı narkobaron Xoakim Quzman ömürlük həbs edilib.

Teleqraf.com xəbər verir ki, ABŞ-da narkobaronla bağlı başlanan məhkəmə prosesində yekun qərar açıqlanıb.

Hakim onun barəsində ömürlük həbs cəzası çıxarıb.

İki dəfə həbsxanadan qaçmağı bacaran mafiya lideri, narkobaron Quzman bundan sonra Roky dağlarında yerləşən ADX Florence həbsxanasında ölümünü gözləməli olacaq.

Kolorado ştatında yerləşən ADX Florence həbsxanası dünyanın ən güclü mühafizə olunan həbsxanası hesab olunur. Bu həbsxana ağacı olmayan qayalıq bir ərazidə yerləşir. Pəncərəsi belə olmayan həbsxanada xüsusi kurslar keçən snayperlər növbə tutur.

Məşhur narkobaronun bu həbsxanadakı qonşuları da onun kimi dünyaca “məşhur” cinayətkarlardır. Burada dünyadakı ən məşhur terrorçular, insan qatilləri, casuslar saxlanılır.

Məsələn, keçmiş sovet casusu Robert Hansen, 11 sentyabr terror hücumunu planlayanlardan biri olan Zakarias Moussaoui, Rəmzi Toussef, Boston Maratonu, peşəkar mühəndis-istehkamçı Tsarnaev, Usame Bin Ladenin kürəkəni Süleyman Ebu Ghaith bu həbsxanada saxlanılır.

Qeyd edək ki, El Çaponun milyard dollar varidata sahib olduğu deyilir.