“Petrosyan Qarabağı qaytarırdı, Paşinyan isə…” – Erməni politoloqdan şok iddia

“Ermənistanın keçmiş prezidenti Levon Ter-Petrosyanın Dağlıq Qarabağ münaqişəsinə yönəlik yürütdüyü siyasət baxımından indiki hakimiyyət arasında oxşarlıq yoxdur”.

Teleqraf.com xəbər verir ki, bunu erməni politoloq Tevan Poqosyan deyib.

Ekspertə görə, keçən il hakimiyyət dəyişikliyi olduqdan sonra Ermənistanda bir çox sahələrdə ciddi dəyişikliklər baş verib:

“Petrosyanın Qarabağla bağlı səsləndirdiyi fikirləri xatırlamaq lazımdır. O, bir çox məqamlarda bölgənin Azərbaycana verilməsindən danışırdı. Keçən il isə xalq Qarabağın müzakirələrə qatılması üçün indiki hakimiyyətə səs verdi.

Əgər Paşinyan verdiyi vədi yerinə yetirməsə, sonunun nə olacağını bilir. Xalq bu halda hansı qərarı verəcəyini yaxşı bilir. Keçən il Ermənistanda baş verən hadisələrdə də bunu gördük”.