Hindistana aid qırıcı yerə çırpıldı – Pakistan isə...

Hindistan Hərbi Hava Qüvvələrinə məxsus qırıcı yerə çırpılıb.

Teleqraf.com xəbər verir ki, hadisə Cammu Kəşmir bölgəsində baş verib.

Qırıcının hansı səbəbdən yerə düşdüyü açıqlanmayıb.

Hadisə zamanı təyyarədə olan 3 pilotun öldüyü haqda xəbər yayılıb.

Digər xəbərdə isə bildirilir ki, Pakistan Hərbi Hava Qüvvələri ölkənin hava sərhədlərini pozan Hindistan Hərbi Hava Qüvvələrinə məxsus 2 təyyarəni məhv edib.

Bu barədə Pakistan Silahlı Qüvvələrinin mətbuat katibi, general-mayor Asif Qafur bildirib.

“Pakistan Hərbi Hava Qüvvələri Pakistanın hava sərhədləri daxilində iki Hindistan təyyarəsini məhv edib”, – deyən general-mayor əlavə edib ki, pilotlardan biri əsir götürülüb.