Qayıq gəmi ilə toqquşdu - 12 nəfər itkin düşdü

Gəmiyə çırpılan qayıq aşıb, 12 balıqçı itkin düşüb.

Teleqraf.com xəbər verir ki, hadisə Çinin Cicianq əyalətinin şərqində baş verib.

Rəsmi məlumatda qeyd edilir ki, qayığın gəmi ilə toqquşmasından sonra 14 nəfər balıqçı dənizə düşüb. Onlardan ikisini xilas etmək mümkün olub, 12 nəfər haqqında isə məlumat yoxdur.

İtkin düşən dənizçiləri axtarmaq üçün xilasedicilər hadisə yerinə göndərilib. Balıqçıların axtarışına helikopterlər də cəlb edilib.