“Nəticənin dəyişməsi ehtimalı...” – İstanbul seçkilərində son vəziyyət

Türkiyənin hakim Ədalət və İnkişaf Partiyasının (AKP) İstanbulda seçkilərin nəticələrinə etiraz etməsindən sonra səslərin yenidən hesablanması davam edir.

Teleqraf.com xəbər verir ki, Cümhuriyyət Xalq Partiyası (CHP) sədrinin köməkçisi Muharrem Erkek son səs fərqini açıqlayıb.

Muharrem Erkek CHP-nin namizədi Əkrəm İmamoğlunun hazırda rəqibi Binəli Yıldırımdan 17 min 999 səs öndə olduğunu bildirib: “31 min 186 qutunun 13 min 968-i sayılıb. Nəticənin dəyişməsi ehtimalı yoxdur, İmamoğlu öndədir”.