“İçimiz ağrıyır” – AKP-dən İmamoğlunun qələbəsinə qəribə reaksiya

Türkiyənin hakim Ədalət və İnkişaf Partiyasının (AKP) İstanbul şöbəsinin keçmiş sədri Səlim Temurci İstanbulda keçirilmiş bələdiyyə seçkiləri ilə bağlı açıqlama verib.

Teleqraf.com xəbər verir ki, o, nəticələrin AKP-nin namizədi Binəli Yıldırımın əleyhinə olmasından dolayı kədərləndiklərini bildirib.

CHP-nin qalib gəlmiş namizədi Əkrəm İmamoğlunun mandatını almasından sonra sosial şəbəkə üzərindən açıqlama yayan Temurci qeyd edib:

“Sevdamız dediyimiz bu şəhəri yarım əsr sonra itirdiyimizi düşünmək belə, içimizi ağrıdır. Ən önəmlisi isə, seçkiləri vicdan və əxlaq baxımından uduzmaq AKP-ni bir hərəkat kimi qəbul edən bizləri qəhərləndirib.

Amma igid yıxıldığı yerdən qalxmağı da bacarandır”.

Qeyd edək ki, martın 31-də keçirilmiş bələdiyyə seçkilərində Cümhuriyyət Xalq Partiyasının (CHP) namizədi Əkrəm İmamoğlu qalib gələrək, İstanbulun yeni bələdiyyə sədri seçilib.