2 May 2019 10:17
1 467
12 Punto 14 Punto 16 Punto 18 Punto

“Növbəti terrorçunun nəşi İrəvana gətirildi. Söhbət terrorçu ASALA təşkilatının “mənəvi atası” sayılan Qurqen Yanikyandan gedir”.

Teleqraf.com xəbər verir ki, bunu politoloq Elxan Şahinoğlu deyib.

Onun sözlərinə görə, Qurqen Yanikyan 78 yaşında Türkiyənin ABŞ-ın Santa-Barbara şəhərindəki konsulluğuna daxil olaraq konsulu və onun köməkçisini qətlə yetirib:

“Amerika vətəndaşı olan Yanikyan ömürlük həbs cəzasına məhkum olunub, 1984-cü ildə həbsxanada ölüb. Yəni adam terrorçudur və bu terrorçunun nəşini böyük təmtəraqla İrəvana gətiriblər. Mayın 5-də nəşinin basdırılması mərasimi keçiriləcək. Ermənistanda buna hazırlıq gedir. Bugündən başlayaraq erməni saytlarında terrorçu haqqında tərifli yazılar yayınlanır.

Mayın 5-nə biz də hazırlaşmalıyıq. Terrorçunun nəşini böyük təmtəraqla Ermənistana gətirən və onun haqqında utanmadan “ASALA-nın mənəvi atası” başlıqları atan düşüncə tərzini beynəlxalq aləmdə ifşa etmək lazımdır.

Təəssüf ki, Türkiyədən də səs çıxmır. Terrorçu türk diplomatlarını qətlə yetirib, Ermənistanda ondan qəhrəman obrazı yaradırlar. Türkiyə Prezidenti Rəcəb Tayyib Ərdoğan həmişəki tərzində “ey Batı, buna nasıl sessiz kalıyorsun” deyə diqqəti İrəvandakı biabırçılığa yönəldə bilər”.


Müəllif: Mənsur Rəğbətoğlu