İnterpolun keçmiş direktorunun xanımı: “Məni oteləcən izlədilər”

İnterpolun sabiq baş direktoru və hazırda Çində həbsdə olan Menq Honqveinin xanımı Fransada siyasi oturum alıb.

Teleqraf.com xəbər verir ki, o bir müddət əvvəl Fransadan siyasi sığınacaq tələb edib.

Xanım Garace Menq Fransanın İnter radiosuna açıqlamasında bildirib ki, oğurlanmasından ehtiyat edir: “Mən təhdid dolu telefon zənglərini alıram. Avtomobilimə də xəsarət yetirilib”.

Çini bir qadınla kişinin qaldığı otelə qədər onu izlədiyini bildirən Menq təhlükəsizlik səbəbindən üzünü mətbuata göstərmir.