Rusiya bu ölkədəki ordusunu çıxarır? – Sensasion gəlişmənin anonsu

Rusiyanın Venesueladakı səfiri Vladimir Zayemski rəsmi Moskvanın bu ölkədəki hərbi qüvvələrini geri çağırması barədə yayılan məlumatı təkzib edib.

Teleqraf.com xəbər verir ki, rus diplomat bu informasiyanın həqiqəti əks etdirmədiyini və hərbi qüvvələrin Venesuelada qalacağını açıqlayıb:

“Bu, həqiqəti əks etdirməyən məlumatdır, belə xəbərlərin yayılmasının qarşısını almaq mümkün deyil. Venesueladakı hərbi qüvvələrimiz öz işini davam etdirir”.

ABŞ Dövlət katibi Mayk Pompeo keçən aylarda Rusiyanın Venesueladakı hərbi qüvvələrinə cavab verməyə hazır olduqlarını demişdi.

“Wall Street Journal” qəzeti isə rəsmi Moskvanın bu ölkədəki hərbi qüvvələrini geri çəkəcəyini iddia edib.