İranda “İslam dövləti”nin tərəfdarları həbs edilib

İranda “İslam dövləti”nin tərəfdarları həbs edilib.

APA-nın BBC-yə istinadən verdiyi xəbərə görə, İranın hüquq-mühafizə orqanları İraq ərazisinə keçərək “İslam dövləti”nə qoşulmaq niyyətində olan Əfqanıstan və Pakistan vətəndaşlarını saxlayıb.

Həmçinin, İran DİN-i “İslam dövləti”nin İrana hücum planı olduğunu bildirib. Bununla belə, İranın daxili işlər naziri Əbdülreza Fəzli qruplaşma tərəfdarlarının sərhəd rayonlarında “İslam dövləti” üçün pul yığılması barədə məlumatları təkzib edib.

Bundan əvvəl İranın xarici işlər naziri Məhəmməd Cavad Zərif qruplaşma ilə mübarizə üçün beynəlxalq əməkdaşlığın zəruriliyini bəyan etmişdi.