Kraliça villasını satışa çıxardı

İngiltərə kraliçası II Yelizaveta Maltadakı villasını 6 milyon avroya satışa çıxarıb.

Teleqraf.com xəbər verir ki, kraliçanın malikanəsi Malta paytaxtı yaxınlığındakı ərazidə “Villa Guardamanga” adlanır.

Bu villa kraliçanın İngiltərə xaricində yeganə mülkü hesab olunur.

Kraliça burada əri şahzadə Flipin Malta dəniz zabiti olaraq xidmət etdiyi 1949-1951-ci illərdə yaşayıb.

Kraliça Yelizaveta 2015-ci ildə Maltaya səfər edərkən 1650 kvadrat metrlik villasına işarə ilə “Bura mənim üçün hər zaman özəl olaraq qalacaq” açıqlamasını vermişdi.