“Hücum olsa, NATO bizi qorumayacaq” – Çavuşoğlundan kritik açıqlama

“Türkiyə Rusiyadan “S-400” hava hücumundan müdafiə sistemləri alması ilə bağlı qərarını dəyişməyəcək”.

Teleqraf.com xəbər verir ki, bunu “Anadolu” agentliyinə müsahibəsində Türkiyənin xarici işlər naziri Mövlud Çavuşoğlu deyib.

Nazir məsələ ilə əlaqədar ABŞ-ın Türkiyəyə qarşı təzyiqlərinə də toxunub:

“ABŞ bizə qarşı addım atsa, bizim də ata biləcəyimiz addımlar var. Amerika belə bir qərar versə, əlbəttə, biz də sakit dayanmayacağıq. Bizə qarşı yönəlmiş istənilən addıma cavab verəcəyik.

Sabah Türkiyəyə hücum olsa, NATO-nun bizi qoruya biləcək gücü yoxdur. NATO bizim hava sərhədlərimizin yalnız 30 faizini qoruya bilir. Bizim böyük ehtiyacımız olduğu halda, ABŞ və Hollandiya “Patriot” raketlərini geri çəkdi, təkcə İspaniya və İtaliya bu addımı atmadı. Bu milli məsələdir”.