Putin Çin liderinə dondurma hədiyyə etdi

Rusiya Prezidenti Vladimir Putin Düşənbədə keçirilən Asiyada Qarşılıqlı Əməkdaşlıq və Etmad Tədbirləri Müşavirəsininin sammitinin rəsmən başlamasından öncə Çin Xalq Respublikasının sədri Si Cinpinlə görüşərək onu doğum günü münasibətilə təbrik edib.

Teleqraf.com xəbər verir ki, V.Putin çinli həmkarına onun çox sevdiyi Rusiya istehsalı olan dondurma hədiyyə edib.

Rusiya prezidentinin mətbuat katibi Dmitri Peskov bildirib ki, V.Putin Çin liderinin qaldığı iqamətgaha gedərək ona 66 yaşının tamam olması münasibətilə təbriklərini çatdırıb.

Öz növbəsində Si Cinpin Rusiya liderinə təşəkkür edib, onun Çində çox populyar olduğunu bildirib.