35 dəqiqə sürən görüş... – Ərdoğandan açıqlama

Türkiyə Prezidenti Rəcəb Tayyib Ərdoğanın amerikalı həmkarı Donald Trampla G20 zirvəsi çərçivəsində keçirilən görüşü başa çatıb.

Teleqraf.com xəbər verir ki, 35 dəqiqə davam edən ikitərəfli görüşdə ABŞ-Türkiyə münasibətləri və digər məsələlər müzakirə olunub.

Görüşdən sonra Ərdoğan ABŞ və Türkiyə arasında strateji əməkdaşlığın davam edəcəyini bildirib: “Bu strateji əməkdaşlıq və müttəfiqlik bir çox məsələdə bizi işbirliyinə təşviq edir. Bundan sonrakı prosesdə də bu müttəfiqlik münasibətləri və bir-birimizə verdiyimiz dəstək davam edəcək”.

Görüşdə ABŞ və Türkiyə arasında gərginliyə səbəb olan “S-400” məsələsinin müzakirə edilib-edilməməsi haqda məlumat verilməyib.