Qırıcılar hücuma keçdi: 40 ölü, 80 yaralı

Liviyalı feldmarşal Xəlifə Haftara aid qırıcılar köçkünlərin olduğu mərkəzə zərbələr endirib.

Teleqraf.com xəbər verir ki, zərbə nəticəsində 40 afrikalı qaçqın ölüb, 80 qaçqın isə yaralanıb.

Qırıcılar Tripoli yaxınlığında yerləşən qaçqın düşərgəsini bombalayıb. Yaralılar xəstəxanalara yerləşdirilib. Bir neçə yaralının vəziyyətinin ağır olduğu bildirilir.

Xatırladaq ki, artıq bir neçə aydır ki, feldmarşal Milli Həmrəylik Hökumətinin nəzarətində olan paytaxt Tripolini ələ keçirmək üçün hücumlara başlayıb.