“Bədbəxtlikdir” – Zaxarovanın Putinin anasının söyülməsinə cavabı

Rusiya Xarici İşlər Nazirliyinin mətbuat katibi Mariya Zaxarova Prezident Vladimir Putinin “Rustavi 2” telekanalında təhqir edilməsinə münasibət bildirib.

Teleqraf.com xəbər verir ki, XİN rəsmisinin telekanalda Rusiya başçısı əleyhinə səsləndirilən təhqiramiz fikirlərə münasibəti qısa olub.

“Gürcüstanın bədbəxtliyidir”, - deyə Zaxarova qeyd edib.

O, məsələ ilə əlaqədar başqa açıqlama verməyib.

Qeyd edək ki, “Rustavi 2” telekanalında yayımlanan proqramda Vladimir Putin təhqir edilib.

Proqramın aparıcısı Georgi Qabuniya Putinin anasının əleyhinə xoşagəlməz fikirlər səsləndirib.