Şok olay: Dilənçinin üstündən 5500 dollar çıxdı

Dilənçinin üzərindən 5500 ABŞ dolları, 3800 türk lirəsi və 31000 Suriya lirəsi çıxıb.

Teleqraf.com xəbər verir ki, bu maraqlı hadisə Türkiyənin Adana şəhərində qeydə alınıb.

Polis şəhərdəki dilənçilərə qarşı reyd keçirib. Reyd zamanı saxlanılan dilənçilərdən biri suriyalı çıxıb. Onun üzərinə axtaran zaman 5500 dollar, 3800 türk lirəsi və 31000 Suriya lirəsi aşkar olunub.

Suriyalı dilənçinin üzərindən aşkar olunan pullar götürülüb və adı açıqlanmayan dələduz 153 türk lirəsi cərimə olunub.

Şəhər rəhbərliyi bəyan edib ki, vətəndaşların dini və vicdani duyğularından sui-istifadə edən dilənçilərə qarşı tədbirlər görüləcək.