18 İyul 14:45
298

“Youtube” videohostinqində ABŞ istehsalı olan “TF-19 Wasp” pilotsuz uçuş aparatının (PUA) sınaqdan keçirilməsini əks etdirən video peyda olub.

Teleqraf.com xəbər verir ki, video “Throwflame” adlı “Youtube” kanalında yerləşdirilib.

Görüntülərdə PUA-nın obyektə doğru necə uçduğu və ona dərhal güclü şırnaqla alov səpdiyi görünür.

“Task and Purpose” informasiya portalının məlumatına görə, “TF-19 Wasp” plazma atəş sistemindən istifadə edir. Aparat 100 saniyə ərzində alov püskürməyə qabildir, bunun üçün 3,7 litrə yaxın yanacaq istehlak edir.

Nəşr aydınlaşdırıb ki, dron kənd təsərrüfatı məqsədləri üçün nəzərdə tutulub.


Müəllif: Səxavət