Qadını nikaha məcbur edən azərbaycanlı tutuldu - Moskvada

Qadını nikaha məcbur edən azərbaycanlı Moskvada saxlanılıb.

Teleqraf.com xəbər verir ki, Fərid Səlimovun qanuni həyat yoldaşı polisə müraciət edərək Azərbaycanda məcburən ərə verildiyini bildirib.

İki uşaq anası olan şikayətçi bunun öz istəyi ilə olmadığını iddia edib.

Arvadının polisə müraciət etdiyini eşidən Fərid Səlimov Rusiyaya qaçıb. Hazırda onu deportasiya gözləyir.