Londonda Məsud Özilə bıçaqla - Hücum

“Arsenal” komandasının türk əsilli ulduzu Məsud Özilə hücum edilib.

Teleqraf.com xarici KİV-ə istinadla xəbər verir ki, ulduz futbolçu Londonda türk restoranından çıxarkən bıçaqlı hücuma məruz qalıb.

Avtomobilinə yaxınlaşan Məsud Özilə arxadan əli bıçaqlı şəxs yaxınlaşmaq istəyib.

Bu zaman “Arsenal”ın digər ulduz oyunçusu Sead Kolasinak müdaxilə edib. Özünü itirən soyğunçu kənara çəkilib. Məsud Özil isə avtomobilindən enərək restorana daxil olub.

Hadisədən sonra əraziyə polis gəlib. Futbolçular baş verənlərlə bağlı polisə ifadə veriblər.