Tarixin ən qanlı səhifələrindən biri film olur – Di Kaprio baş rolda

Rejissor Martin Skorseze və aktyor Leonardo Di Kaprionun ortaq layihəsi olan “Killers of the Flower Moon” filmində fransız aktyor Robert De Niro da yer alacaq.

“The Aviator”, “Gangs of New York” və “The Departed” kimi filmlərdə birlikdə çalışan Martin Skoreseze və Leonardo Di Kaprio ikilisi altıncı dəfə bu layihə üçün yan-yana gəlib. Hazırda Robert De Niro və Al Paçinonun rol aldığı “The Irishman” adlı yeni filminin çəkilişi ilə məşğul olan Martin Skorsezenin digər filmi, yazıçı David Qrannın romanının motivləri əsasında çəkiləcək “Killers of the Flower Moon” olacaq.

Film 1920-1925-ci illər arasında o dönəm dünyanın ən zəngin insanları sayılan Osej yerlilərinin bu bölgədə neftin kəşf olunmasından sonra kütləvi şəkildə öldürülməsindən bəhs edir.

“Forrest Gump”, “The Insider”, “The Curious Case of Benjamin Button” və “Munich” kimi filmlərlə tanınan “Oskar” mükafatlı ssenarist Erik Rotun qələmə aldığı filmin çəkilişlərinə gələn ilin payız aylarında başlanılacaq.