ABŞ Türkiyəyə ən müasir hərbi helikopterlər satdı

Türkiyəni Rusiyadan S-400 hava hücumundan müdafiə kompleksləri aldığına görə F-35 proqramından çıxaran Vaşinqton Türk Silahlı Qüvvələrinə 4 ədəd Boeng CH-47F Chinooki model helikopter təhvil verib.

Teleqraf.com xəbər verir ki, bu haqda ABŞ-ın Ankaradakı səfirliyi Tvitter hesabında bildirib.

Məlumatda qeyd edilir ki, İzmir limanında baş tutan təhvil-təslimdən sonra Türkiyə dünyanın ən müasir helikopteri olan Boeng CH-47F Chinooki helikopterinə sahib olub.

Səfirlik təhvil-təslim sırasında helikopetrlərdən birinin havaya qalxmasının görüntülərini də yayıb.

Qeyd edilir ki, Türkiyənin aldığı bu helikopterlər ölkədə müşahidə edilən bütün coğrafi hava şəraitində mexaniki avtomobilləri, top və artilleriya sistemlərini daşıya biləcək.

Bu helikopterlər ehtiyac yarandığı təqdirdə anbar və yanavaqdoldurma mərkəzi kimi də istifadə oluna bilər.