Türkiyə parlamentinin spikeri: “Deputatlar bu maaşa dolana bilmir”

Ayda 22 min lirə maaş alan deputatlar dolanışıqda çətinlik çəkir. Parlamentə ictimai nəqliyyatla gələn deputatlar var.

Teleqraf.com xəbər verir ki, bu sözləri Türkiyə parlamentinin spikeri Mustafa Şentop deyib.

Spiker 2002-ci ildən bu yana millət vəkillərinin maaşında artım olmadığını deyib, habelə bir çox deputatın Ankarada kirayədə qaldığını xatırladıb:

“Millət vəkillərinin maaşlarının yüksək olmasına dair fərqli açıqlamalar verilir. Ancaq onların xərclərini kimsə dilə gətirmir. Deputatlar həftə boyu Ankarada olur, daha sonra yaşadıqları və seçildikləri şəhərlərə gedirlər. Təkcə gediş-gəlişlə bağlı böyük xərclər var. Parlamentə gələn ziyarətçilərlə bağlı da deputatlar xərcləri çıxır.

Bir çox deputatlar seçicilərini otellərdə, qonaq evlərində qonaq edir, xəstəxana xərclərini ödəyir. Deputatlara avtomobil də ayrılmır”.