Atambayevin telekanalı bağlandı – Əmlakına həbs qoyuldu

Qırğızıstanda məhkəmə keçmiş prezident Almazbek Atambayevin nəzarətində olan və rus dilində yayım aparan “Aprel” telekanalının əmlakı üzərində həbs qoyub.

Teleqraf.com-un məlumatına görə, bu barədə ölkənin Daxili İşlər Nazirliyi məlumat yayıb.

“Məhkəmənin qərarı ilə “Aprel TV” televiziya kanalının əmlakı üzərində həbs qoyulub”, –deyə nazirliyin məlumatında bildirilib.

Qeyd edək ki, “Aprel TV”nin yayımı digər bir neçə telekanalla birlikdə avqustun 7-də – sabiq dövlət başçısının tutulması üçün keçirilən xüsusi əməliyyatın ilk günündə dayandırılıb.