Məscidə silahlı hücum: Şübhəli ittihamı qəbul etdi

Norveçin Barum şəhrində Əl-Nur İslam məscidinə hücumda təqsirkar bilinərək saxlanılan 21 yaşlı Filip Manshaus barəsində irəli sürülmüş ittihamları qəbul edib.

Teleqraf.com xəbər verir ki, Manshausun vəkili Unni Fries müvəkkilinin danışmağa qərar verdiyini və polisin suallarını cavablandırdığını bildirib.

Fries Manshausun ittihamları qəbul etdiyini açıqlayıb.

Bundan əvvəl paytaxt Osloda məhkəməyə çıxarılan müttəhim ittihamları rədd edərək susmaq hüququndan istifadə etmişdi.

Əlavə edək ki, avqustun 10-da baş verən silahlı hücumda bir nəfər yaralanmışdı.