Erməni generalın oğlu silahlı insident törətdi - Foto

Ermənistanda atışma olub.

Teleqraf.com xəbər verir ki, hadisə Armavir vilayətində qeydə alınıb.

Sürücülər - 30 yaşlı Ara Qriqoryan və 26 yaşlı Koryun X. arasında yaranmış mübahisə silahlı insidentlə nəticələnib. Mübahisə zamanı Ara Qriqoryan tapança ilə Koryun X-a atəş açıb. Lakin sonuncu güllədən yayına bilib. Bundan sonra A.Qriqoryan şəxsi avtomobili ilə ərazidən uzaqlaşıb.

Araşdırmalar zamanı A.Qriqoryanın Ermənistan parlamentinin keçmiş deputatı, general Manevl Qriqoryanın oğlu olduğu müəyyənləşdirilib. O, dilindən iltizam alınmaqla sərbəst buraxılıb.