Qaban karaoke kluba daxil olub ətrafı dağıtdı – Video

Çinin Şuanyaşan şəhərində 143 kiloqramlıq qaban qəflətən karaoke kluba girib.

Teleqraf.com xəbər verir ki, klubun giriş qapısı açıq olduğundan qaban içəri doğru hərəkət edərək barın şüşələrini sındırıb.

Dəhliz boyu sürətlə qaçan qaban otaqlardan birinə daxil olub və içəridəki şəxsləri qorxudub.

Hadisənin görüntülərindən aydın olur ki, qısa müddət sonra klub heyəti qabanı otaqların birinə bağlayaraq polisə xəbər verib.Məkana gələn hüquq-mühafizə orqanlarının nümayəndələri üç dəfə atəş açaraq qabanı öldürüblər.

Qeyd edək ki, Çində 33,5 milyon yabanı qaban mövcuddur. Yetkin qabanın çəkisi 100 kiloqramı keçmir, ancaq 150-200 kiloqrama çatan növləri də var.