Yaponiyada 5,1 bal gücündə zəlzələ oldu

Noyabrın 3-də Yaponiyanın Hönşü adasının şimal-şərq sahillərində 5,1 bal gücündə zəlzələ baş verib.

Teleqraf.com xəbər verir ki, bu barədə Yaponiya Meteorologiya Agentliyi məlumat yayıb.

Yeraltı təkanların episentri Sakit okeanın Fukuşima prefekturası sahillərində, ocağı okean dibindən 30 kilometr dərinlikdə yerləşib.

Dağıntılar və zərərçəkənlər barədə məlumat verilmir. Sunami xəbərdarlığı elan edilməyib. Yeraltı təkanlar qonşuluqdakı İvate, Miyaqi və Fukuşima prefekturalarında hiss olunub.