İŞİD-in liderlərindən biri Türkiyədə saxlanıldı

Türkiyədə İŞİD silahlılarının təlim düşərgələrinə rəhbərlik etmiş terrorçu saxlanılıb.

Teleqraf.com xəbər verir ki, bu barədə Türkiyənin Daxili İşlər Nazirliyinin açıqlamasına istinadən "Anadolu" agentliyi bildirib.

Bildirilir ki, ölkə üzrə terrorçuluğa qarşı əməliyyat çərçivəsində təhlükəsizlik qüvvələri qruplaşma ila əlaqədə olan 7 şübhəli şəxsi saxlayıblar. Onların arasında İŞİD-in yüksək vəzifəli döyüşçüsü də var. Həmin şəxs terror qruplaşmasının məşq düşərgələrinə cavabdehlik daşıyıb.

Düşərgələrdə hər il təxminən 1500-2000 nəfər təlim keçirmiş.