Müsəlman telekanalların yayımı qadağan edildi – Hökumətdən şok qərar

Hindistan Radio və Televiziya Nazirliyi mübahisəli Kəşmir bölgəsində Türkiyə, Malayziya və digər müsəlman ölkələrin telekanallarının bağlanılmasına qərar verib.

Teleqraf.com xəbər verir ki, bu barədə sözügedən qurumun rəhbəri Vikram Şahay açıqlama verib.

Nazir açıqlamasında Kəşmirdə bütün müsəlman ölkələrinin radio və televiziya kanallarının qadağan edildiyini bildirib.

Hindistan hökuməti bundan əvvəl bölgədə İslam peyğəmbəri ilə bağlı dini mərasimlərin keçirilməsini qadağan etmişdi.

Rəsmi Dehli bu ilin avqust ayında Kəşmir bölgəsinin xüsusi statusunu ləğv edib. Hindistan tərəfinin qərarı Pakistanın narazılığına səbəb olub.