24 Noyabr 2019 18:13
2 187
12 Punto 14 Punto 16 Punto 18 Punto

İranın Rabitə və İnformasiya Texnologiyaları Nazirliyi internetin kəsildiyi müddətdə zərər çəkmiş şirkətlərə kompensasiya verilməsi üçün proqram hazırlayıb.

Teleqraf.com xəbər verir ki, bu barədə İranın Rabitə və İnformasiya Texnologiyaları naziri Məhəmmədcavad Azəri Çəhromi məlumat yayıb.

O bildirib ki, bəzi şirkətlər bir ay müddətində pulsuz internetlə təmin olunacaqlar. Proqram hökumət tərəfindən təsdiq edildikdən və ölkə prezidentinin müvafiq sərəncamından sonra kompensasiyalar veriləcək.

Xatırladaq ki, ötən həftə İranda baş verən iğtişaşlara görə ölkə ərazisində internet kəsilmiş, nəticədə bir sıra dövlət və özəl şirkətlərin işində problem yaranmış və maliyyə itkisinə məruz qalmışdılar.


Müəllif: Teleqraf.com