“Münaqişənin bu variantda həlli...” – ABŞ-dan Qarabağ açıqlaması

Ermənistan xarici işlər naziri Zöhrab Mnatsakanyan Bratislavada ABŞ Dövlət katibinin Avropa və Avrasiya işləri üzrə köməkçisinin müavini Filip Rikerlə görüşüb.

Teleqraf.com xəbər verir ki, görüşdə Ermənistan-Azərbaycan münaqişəsinə dair fikir mübadiləsi aparılıb.

Hömsöhbətlər dekabrın 4-də Minsk qrupu həmsədrlərinin vasitəçiliyi ilə Ermənistan və Azərbaycan xarici işlər nazirləri arasında keçirilən görüş və həmsədr ölkələrinin rəhbərlərinin bundan sonrakı bəyanatı barədə danışıb.

Amerikalı diplomat rəsmi Vaşinqtonun Dağlıq Qarabağ münaqişəsinin dinc yolla və ATƏT-in Minsk qrupu çərçivəsində həllinin tərəfdarı olduğunu bildirib. Bu çərçivədə atəşkəs rejimini qorumaq və gücləndirməyin, habelə xalqların sülhə hazırlaşdırılması barədə əldə edilmiş razılaşmaları həyata keçirməklə sülh üçün əlverişli şərait yaratmağın vacibliyini vurğulayıb.