Çexiya Ermənistanın sabiq prezidenti Serj Sərksyanın qardaşı oğlu Narek Sərksyanı Ermənistana ekstradisiya edəcəklər.
Teleqraf.com xəbər verir ki, bu barədə Ermənistanın Baş Prokurorunun müşaviri Qor Abramyan “Facebook” hesabında yazıb.
O qeyd edib ki, Çexiyanın hüquq-mühafizə orqanları Ermənistan Baş Prokurorluğunun axtarışda olan Narek Sərksyanın ölkəsinə təhvil verilməsi barədə tələbini təmin etmək qərarına gəlib.
“Bununla əlaqədar Ermənistanın Baş Prokurorluğu polisə Narek Sərksyanın ekstradisiyasını təşkil etməyi tapşırıb”, - deyə Abramyan bildirib.
Xatırladaq ki, Narek Sərksyan qanunsuz olaraq silah və narkotik saxlama maddəsi ilə axtarışa verilib.