Davudoğlu elə video paylaşdı ki... – Görüntü

“Tik-Tok” sosial platformasında özünə hesab açan Türkiyənin keçmiş baş naziri Əhməd Davudoğlunun paylaşdığı yeni video maraqla qarşılanıb.

Teleqraf.com xəbər verir ki, Davudoğlu azyaşlı uşaqla mühəndislik barədə söhbətini “Mühəndislərin halı necə olacaq” başlığı ilə paylaşıb.

Mühəndisliyin cazibədarlığını itirdiyini deyən Davudoğluna uşağın cavabı belə olub: “Mühəndis olmaq istəyirsənsə, universitetə qəbul imtahanında uğur qazanmaq məcburiyyətindəsən. Bundan əlavə magistr təhsili alıb mühəndis olmaq mümkündür”,

Xatırladaq ki, sabiq baş nazir “Tik-Tok” sosial platformasına gəlişini belə izah etmişdi: “Gənclik haradadır deyə soruşdum, “Tik-Tok”da cavabını verdilər, biz də gəldik, gənclik haradadırsa, biz oradayıq”.