Gürcü nazirdən Paşinyana - Sərt sözlər

Nikol Paşinyan elementar məsələləri bilmir və iqtisadi göstəricilərin necə hesablandığını başa düşmür.

Teleqraf.com xəbər verir ki, bu sözləri Gürcüstanın İqtisadiyyat naziri Natiya Turnava Nikol Paşinyanın Ermənistanın iqtisadi göstəricilərə görə Gürcüstan və Azərbaycanı keçməsi barədə iddialarına münasibət bildirərkən deyib.

Nazirin sözlərinə görə, Ermənistan baş nazirinin bu məsələni öyrənməsi məqsədəuyğunğundur: "Gürcüstanda statistika xidməti 2019-cu ilin noyabrından ÜDM-in hesablanmasının yeni üsulunu tətbiq edib və bu, hələlik Beynəlxalq Valyuta Fondunun və digər maliyyə təşkilatlarının hesabatlarında öz əksini tapmayıb. Regionumuzun ölkələri – Azərbaycan, Ukrayna və Moldova da əlavə dəyər vergisinin hesablanmasının yeni üsulunu tətbiq edib. BVF-nin növbəti hesabatında əks olunacaq".