İranda AES-ə yaxın şəhərdə zəlzələ oldu

İranın cənubunda yerləşən Buşehr vilayətinin Əhrəm şəhərinin 6 kilometrliyində 4 bal gücündə zəlzələ baş verib.

Teleqraf.com xəbər verir ki, bu barədə İranın Tehran Universiteti Geofizika İnstitutu Seysmologiya Mərkəzi məlumat yayıb.

Zəlzələ yerli vaxtla saat 06:31-də 10 kilometr dərinlikdə qeydə alınıb.

Əhrəm şəhəri Atom Elektrik Stansiyasının yerləşdiyi Buşehr şəhərinin 50 kilometr cənub-qərbindədir.