Ölkədə hökumət böhranı: 29 yaşlı qadın aranı qarışdırdı

Norveçdə İnkişaf Partiyasının (Fremskrittspartiet) lideri Siv Yensen İŞİD terror təşkilatına üzv olan ailənin ölkəyə qəbul edilməsindən sonra hökumətdən ayrıldığını açıqlayıb.

Teleqraf.com xəbər verir ki, Yensen koalisiya hökumətində təmsil olunan müttəfiqlərinin məlum qərarına sərt etiraz edib.

Partiya lideri açıqlamada bildirib: “İnkişaf Partiyasını hökumətə mən gətirdim, indi də hökumətdən çıxarıram. Bunu doğru addım sayıram. İnkişaf Partiyası olaraq hökumətdə yer almağımıza baxmayaraq, istədiyimiz siyasəti həyata keçirə bilmirik”.

Siv Yensen hökumətdən ayrılmasına baxmayaraq, hakim komanda və Mühafizəkar Partiyanın lideri, Baş nazir Erna Sulberqə dəstək verəcəyini qeyd edib.

Norveç hökuməti ötən həftə Suriyada olan İŞİD üzvü 29 yaşlı Norveç vətəndaşı olan bir qadın və iki uşağının ölkəyə qayıtmasına icazə verib.