Rusiyanın hərbi sirləri ələ keçə bilər - NATO-dan təhdid kimi açıqlama

“NATO Rusiya ərazilərinin böyük hissəsini izləyə biləcək Pilotsuz Uçan Aparatlara (PUA) sahibdir”.

Teleqraf.com xəbər verir ki, bu barədə NATO Baş katibi Yens Stoltenberq açıqlama verib.

Stoltenberq NATO-nun “Global Hawk” adlı yeni strateji PUA-lar vasitəsilə Rusiyada baş verənləri izləyə biləcəklərini iddia edib: “Bu PUA-lar qonşu Rusiyada baş verənləri təsbit edə biləcək”.

NATO baş katibi sözügedən PUA-ların analoqunun, Rusiya və Çində bənzərlərinin olmadığını deyib.

“Global Hawk”-ın yeni versiyası 30 saat havada qala, 200 kilometr məsafədə olan obyektləri təsbit edə bilir. Hazırda PUA-lar İtaliyanın Siciliya adasında sınaqdan keçirilir.

“Global Hawk” PUA-ları Rusiya sərhədləri yaxınlığında tez-tez kəşfiyyat uçuşları həyata keçirir. Rusiya Müdafiə Nazirliyinin çağırışlarına baxmayaraq, ABŞ Müdafiə Nazirliyi (Pentaqon) kəşfiyyat uçuşlarını dayandırmaq niyyətində deyil.