Komitə sədri həbs olundu – İttiham

Məhkəmə müstəntiqin Ermənistanın Şəhərsalma Komitəsinin sədri Vaxaqn Vermişyanın həbsi barədə tələbini təmin edib.

Teleqraf.com xəbər verir ki, bu barədə Ermənistan Milli Təhlükəsizlik Xidmətinin mətbuat xidməti məlumat yayıb.

Fevralın 5-də Vaxaqn Vermişyanın kabinetində axtarışlar aparılıb. Daha sonra Ermənistan Milli Təhlükəsizlik Xidməti Vermişyanın rüşvət almaqda şübhəli bilinərək saxlanıldığını açıqlayıb.

Fevralın 8-də Vermişyana Ermənistan Cinayət Məcəlləsinin müvafiq maddələri ilə ittiham elan edilib və məhkəməyə həbs qətimkan tədbiri seçilməsi barədə vəsatət verilib.