Qazaxıstan daha 217 nəfəri Çindən təxliyə etdi

Qazaxıstan höküməti Çində yayılan yeni növ koronavirus səbəbindən bu ölkədən 217 vətəndaşını təxliyə edib.

Teleqraf.com xəbər verir ki, bunu Qazaxıstanın səhiyyə naziri Eljan Birtanov deyib.

E.Biltanov bildirib: "Pekindən Nur-Sultana bu gün səhər 217 nəfər qayıdıb".

Nazir qeyd edib ki, təxliyə edilən şəxslər azı 3 gün karantində saxlanılacaq: "Müəyyən risklər var, onlar müayinə ediləcəklər".

Xatırladaq ki, daha əvvəl Qazaxıstanın Xarici İşlər Nazirliyindən fevralın 10-u və 12-si vətəndaşları təxliyə etmək üçün Çinə təyyarələrin göndəriləcəyini bildiriblər.