Tramp 7, Bayden isə 4 ştatda qalib gəldi

ABŞ prezidentliyinə namizəd Donald Tramp Respublikaçılar Partiyasının namizədi kimi yeddi ştatda qələbə qazanıb.

Teleqraf.com xəbər verir ki, Massaçusets, Tennesi, Oklohama və Alabama ştatlarında keçirilən partiyadaxili praymerizdə Tramp lider olub.

"Associated Press" bildirib ki, Tramp həmçinin Şimali Karolina, Vermont və Arkanzas praymerizinin də qalibidir.

Amerika lideri özünün "Twitter" hesabından ştatların sakinlərinə təşəkkür edib.

Qeyd edək ki, D. Trampın cəmi iki rəqibi var - Massaçusets ştatın keçmiş qubernatoru Bill Veld və iş adamı Rokki de la Fuente.

Respublikaçılar Partiyası isə Trampın ikinci müddətə namizədliyini dəstəkləyirlər.

***

ABŞ-ın keçmiş vitse-prezidenti Co Bayden isə Demokratlar Partiyasının Virciniya praymerizinin qalibi olub.

Dairələrin 99%-nin nəticələrinə görə, Bayden seçicilərin 54,4%-nin səsini qazanıb.

İkinci yerdə 23% səslə senator Berni Sander qərarlaşıb. Digər demokratların heç biri 15% səs toplaya bilməyib.

Bayden Şimali Karolina, Alabama və Tennessi ştatında qalib gəlir.

Bundan öncə ABŞ-ın keçmiş vitse-prezident Co Bayden qarşıdan gələn prezident seçkiləri üzrə Demokratlar Partiyasının Cənubi Karolina praymerizinin qalibi olub.

Xatırladaq ki, ABŞ-da prezident seçkiləri 2020-ci il noyabrın 3-də keçiriləcək.