Ermənistanda 190, Gürcüstanda 54 nəfər... - Koronavirus rəqəmləri

Ermənistanda daha 30 nəfərə koronavirus diaqnozu qoyulub.

Teleqraf.com xəbər verir ki, bu barədə ölkənin Səhiyyə Nazirliyi məlumat yayıb.

Beləliklə, Ermənistanda koronavirus daşıyıcılarının sayı 190-a çatıb.

Gürcüstanda isə 54 nəfər koronavirusa yoluxub. Karantində 1 966, stasionar nəzarətdə isə 259 nəfər saxlanılır. Koronavirusa yoluxanlardan biri tam sağalıb.

Qeyd edək ki, dünyada yeni növ koronavirusa yoluxanların sayı 300 min nəfəri ötüb.
Hazırda dünya üzrə 307 277 yoluxma halı qeydə alınıb, 92 372 nəfər sağalıb, 13 048 nəfər dünyasını dəyişib.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.