Koronavirusun dəhşətli nəticələri - Son statistika

Dünyada martın 28-i üçün yeni növ koronavirusa (COVİD-19) yoluxanların sayı 571 678 nəfərə, ölənlərin sayı isə 26 494 nəfərə çatıb.

Teleqraf.com xəbər verir ki, bu barədə Ümumdünya Səhiyyə Təşkilatının gündəlik hesabatında deyilir.

Hesabata əsasən, sutka ərzində yoluxma hallarının sayı 62 mindən çox, ölüm hallarının sayı isə 3 159 nəfər artıb. Ən çox yoluxma və ölüm halları Avropa regionunda qeydə alınıb - 324 343 yoluxma və 18 740 ölüm halı. Avropa regionunda sutka ərzində 37 646 yoluxma halı, 2 635 ölüm halı qeydə alınıb.

İkinci yerdə Qərbi-Sakit okean regionu qərarlaşıb. Burada martın 28-nə olan məlumatlara əsasən, 101 462 yoluxma halı və 3 592 ölüm halı qeydə alınıb.

Üçüncü yeri Cənubi və Şimali Amerika tutur, burada ümumilikdə 100 314 yoluxma və 1 485 ölüm halı qeydə alınıb.