8 Aprel 19:17
4 771

“ABŞ da daxil olmaqla heç bir ölkənin İranın Beynəlxalq Valyuta Fondundan (BVF) kredit istəməsinə veto qoymaq hüququ yoxdur”.

Teleqraf.com xəbər verir ki, bunu İranın iqtisadi məsələlər üzrə vitse-prezidenti Məhəmməd Nəhavəndiyan deyib.

O qeyd edib ki, BVF-yə müraciətində İranı təcili maliyyələşməyə çağırıb və əlavə edib ki, İran ehtiyac olduqda bundan istifadə etmək hüququna malikdir:

“İran bu təşkilatın təsisçi üzvüdür və yaxşı maliyyə göstəricilərinə malikdir. Bu beynəlxalq qurum ondan gözlənilənləri etməlidir”.

Bundan əvvəl “Wall Street Journal” ABŞ Prezident Administrasiyasındakı mənbələrə istinadən, ABŞ-ın BVF koronavirusla mübarizə aparan İrana 5 milyard dollarlıq kredit ayrılmasına mane olmaq niyyətində olduğunu yazıb.


Müəllif: Mənsur Rəğbətoğlu