ABŞ-da sutka ərzində 1953 nəfər öldü

ABŞ-da son bir sutka ərzində 1953 nəfər koronavirus infeksiyası COVID-19 nəticəsində dünyasını dəyişib.

Teleqraf.com xəbər verir ki, bu barədə CNN telekanalı Con Hopkins Universitetinə istinadla xəbər yayıb.

Bununla da virusdan ölənlərin ümumi sayı 18 637 nəfərə çatıb.

Qeyd edək ki, bundan öncə ABŞ lideri Donald Tramp səlahiyyətli şəxslərin hesablamalarına düzəliş etdiklərini və ölkənin azı 100 min sakininin koronavirus infeksiyasının təsiri nəticəsində öləcəyini düşündüklərini bəyan etmişdi.