“Koronavirusu 5 saniyədə aşkarlayan cihaz yaratdıq” – İranda sensasiya

İran koronavirus infeksiyasına yoluxmuş insanları 5 saniyədə aşkarlayan cihaz hazırladığını açıqlayıb.

Teleqraf.com xəbər verir ki, bu barədə İran İslam İnqilabı Keşikçiləri Korpusunun (SEPAH) komandanı Hüseyn Səlami açıqlama verib.

Səlami bildirib ki, bu cihaz vasitəsilə 10 metr uzaqda olan insanı maqnit dalğaları ilə müəyyən edib, koronavirusa yoluxub-yoluxmadığını 5 saniyə müddətində təsbit etmək mümkündür.

O, SEPAH tərəfindən hazırlanan cihazın müxtəlif xəstəxanalarda 80 dəfə uğurla sınaqdan keçirildiyini söyləyib: “Cihaz qan almadan uzaqdan test həyata keçirir, üstəgəl, antenası ilə infeksiya olan əraziləri də müəyyənləşdirir”.